feedpune news News: ‘एनडीए’ भरतीच्याबहाण्याने फसवणूक – ‘nda’ recruitment fraud

feedpune news News: ‘एनडीए’ भरतीच्याबहाण्याने फसवणूक – ‘nda’ recruitment fraud

- year ender poll - feedpune news News: ‘एनडीए’ भरतीच्याबहाण्याने फसवणूक – ‘nda’ recruitment fraud

उत्तर प्रदेशच्या विद्यार्थ्याला १३२ लाखांचा गंडाम टा…

| Updated:Jan 4, 2020, 04:00AM IST

http://maharashtratimes.indiatimes.com/  -   - feedpune news News: ‘एनडीए’ भरतीच्याबहाण्याने फसवणूक – ‘nda’ recruitment fraud

‘एनडीए’ भरतीच्याबहाण्याने फसवणूक

उत्तर प्रदेशच्या विद्यार्थ्याला १.३२ लाखांचा गंडा

म. टा. प्रतिनिधी, पुणे

‘राष्ट्रीय संरक्षण प्रबोधिनी’मध्ये (एनडीए) ‘एअर फोर्स फ्लाइंग ऑफिसर पदाच्या प्रशिक्षणासाठी निवड झाल्याचे सांगून विविध कारणांस्तव एक लाख ३२ हजार रुपये घेतल्याचा धक्कादायक प्रकार समोर आला आहे. आरोपीने नियुक्तीची बनावट पत्रे पाठविल्याचेही आढळून आले आहे. ‘एनडीए’मध्ये प्रशिक्षणासाठी हजर झाल्यानंतर हा सर्व फसवणुकीचा प्रकार समोर आला आहे. या प्रकरणी वारजे पोलिस ठाण्यात तिघांच्या विरोधात गुन्हा दाखल करण्यात आला आहे.

नवीन त्रिपाठी (वय २२, रा. राणीगंज, उत्तर प्रदेश) यांनी तक्रार दिली आहे. त्यानुसार रामचंद्र तिवारी यांच्यासही तिघांवर गुन्हा दाखल करण्यात आला आहे. पोलिसांनी दिलेल्या माहितीनुसार, नवीन मूळचा उत्तर प्रदेशचा असून, त्याने बीएचे शिक्षण घेतले आहे. शिक्षण घेताना मित्राकडून ‘एनडीए’ परीक्षेची माहिती मिळाली. त्याचा मित्रही ‘एनडीए’ची तयारी करत होता. त्यामुळे नवीनने एका वेबसाइटवर सप्टेंबर २०१७मध्ये ‘एनडीए’ प्रवेशासाठी अर्ज भरला. त्यानुसार मुंबई येथे परीक्षा दिली. परीक्षेचा जानेवारी २०१६ मध्ये निकाल लागला. त्यानंतर नवीनला एका ई-मेलवरून एप्रिल २०१६ मध्ये ‘एनडीए’मध्ये निवड झाली असून, मुलाखतीसाठी गांधीनगर येथे बोलावण्यात आल्याचे कळविण्यात आले. मे २०१६ मध्ये नवीनची तीन दिवस मुलाखतही झाली. त्यावेळी तिवारी नावाच्या व्यक्तीने आपण ‘एनडीए’मध्ये लष्करी अधिकारी असल्याचे भासवले होते. त्यानंतर काही दिवसांतच नवीनला नियुक्तीचे पत्रही आले. त्यामध्ये २९ जुलै २०१७पासून ‘एनडीए’, खडकवासला येथे प्रशिक्षण सुरू होणार असल्याचे कळविण्यात आले.

त्यानंतर नवीनला आरोपींनी अनेकदा पुण्यात ‘एनडीए’ टेकडीजवळ मेडिकलसाठी बोलविले. त्यावेळी त्या गेटजवळ लष्कराच्या गणवेशात तीन ते चार कर्मचारी असायचे. मेडिकल सुरू असताना काही विद्यार्थ्यांनी फसवणूक केल्याने प्रशिक्षण रद्द झाले आहे. त्यामुळे आता तुमचे प्रशिक्षण दोन जानेवारी २०२० पासून सुरू होणार असल्याचे आरोपीने नवीन आणि अन्य विद्यार्थ्यांना सांगितले. त्यासाठी तुम्हाला अगोदर एक लाख ३२ हजार रुपयांचा ‘डीडी”http://maharashtratimes.indiatimes.com/”कॅडेट्स एनडीए’ या नावाने काढण्यास सांगून मे २०१९ पर्यंत देण्यास सांगितले. त्यानुसार तक्रारदारांनी ‘डीडी’ काढून आरोपींना दिला. त्यानंतर २६ डिसेंबर २०१९ला ‘एनडीए’त रिपोर्टिंग करण्यास सांगण्यात आले. त्यानुसार तक्रारदार वडिलांना घेऊन ‘एनडीए’मध्ये गेले. मात्र, तेथील यादीत नावच नसल्याचे पाहून त्यांना धक्का बसला. त्यामुळे त्यांनी ‘एनडीए’च्या वरिष्ठ अधिकाऱ्यांकडे चौकशी केली. त्या वेळी त्यांना दिलेले नियुक्तीचे पत्र आणि इतर कागदपत्रे बनावट असल्याचे आढळून आले. त्यानंतर त्यांनी पोलिसांकडे तक्रार दिली. या प्रकरणी उत्तमनगर पोलिस तपास करत आहेत.

फसवणुकीचे मोठे रॅकेट?

तक्रारदार मुलाखत आणि मेडिकलसाठी आल्यानंतर तेथे तीस ते चाळीस विद्यार्थी असायचे. त्यांनाही ‘एनडीए’मध्ये प्रशिक्षणासाठी निवड झाल्याचे सांगितले जात होते. त्यातील काही विद्यार्थ्यांची नावे तक्रारदारांनी पोलिसांना दिली आहेत. तसेच, मेडिकलला बोलविल्यानंतर त्या परिसरात लष्करी वेषात कर्मचारी तैनात होते. त्यामुळे फसवणुकीचे रॅकेट मोठे असण्याची शक्यता आहे.

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅपडाउनलोड करा आणि रिपोर्ट्स पाठवाWeb Title

‘nda’ recruitment fraud

(मराठी बातम्या from Maharashtra Times , TIL Network)

Source