feedpune news News: महावितरण देणार उत्कृष्ट ग्राहक सेवेस पुरस्कार – excellence in customer service award

- MT - feedpune news News: महावितरण देणार उत्कृष्ट ग्राहक सेवेस पुरस्कार – excellence in customer service award

म. टा. प्रतिनिधी, लातूर

महावितरणच्या लातूर परिमंडल उत्कृष्ट ग्राहक सेवेसह विजेच्या बिलाची थकबाकी शुन्यावर आणणाऱ्या उत्कृष्ट मंडळ, विभाग, उपविभाग आणि उत्कृष्ट शाखा कार्यालयास सन्मानजनक पुरस्कार देण्यात येणार असल्याची घोषणा महावितरणचे मुख्य अभियंता आर. आर. कांबळे यांनी बुधवारी लातूर येथे केली.

कार्यालयातील अधिकारी आणि कर्मचाऱ्यांच्या सांघिक प्रयत्नाने महावितरणच्या तुळजापूर आणि अंबाजोगाई विभागातील वाणिज्यक कामगिरीत उल्लेखनीय सुधारणा झाली आहे. यापुढील एक-दोन महिन्यात निलंगा आणि उदगीर विभागावर लक्ष केंद्रीत करून तेथील परिस्थिती सुधारण्यासाठी सांघिक प्रयत्न करण्यात येणार आहेत.

मुख्य अभियंता आर. आर. कांबळे यांनी महावितरण अधिकाऱ्यांची आढावा बैठक घेतली. बैठकीस अधिक्षक अभियंता सुरेंद्र कटके, सहायक महाव्यवस्थापक नामदेव पवार यांच्यासह सर्व विभाग प्रमुख अधिकारी-कर्मचारी उपस्थित होते. नववर्षात हाती घेण्यात येणाऱ्या ग्राहकहिताच्या उपक्रमावर चर्चा करण्यात येऊन ग्राहक सेवेला प्राधान्य देण्यात येणार असल्याचे सांगण्यात आले.

तुळजापूर आणि अंबाजोगाई विभागाप्रमाणे जानेवारी-फेब्रुवारी २०२० मध्ये निलंगा आणि उदगीर विभागात परिमंडळ कार्यालयातर्फे सांघिक कामगिरी करण्यात येणार आहे. ग्राहकांनी वीज बिल भरून महावितरणला सहकार्य करण्याचे आवाहन आर. आर. कांबळे यांनी केले.

शाखा, कार्यालये थकबाकीमुक्त होण्याची आवश्यकता

ग्राहकसेवा अधिक प्रभावी करण्यासाठी पुरेशा महसुलाची गरज असल्याने परिमंडळातील सर्वच मंडळातील विभाग, उपविभाग आणि शाखा कार्यालये थकबाकीमुक्त होण्याची आवश्यकता आहे. त्यासाठी चांगली कामगिरी करणाऱ्या कार्यालयासाठी प्रोत्साहन योजना राबविण्यात येणार आहे. यात उत्कृष्ट ग्राहक सेवेसह थकबाकी शुन्यावर आणणाऱ्या जिल्हास्तरीय मंडळ, विभाग, उपविभाग आणि उत्कृष्ट शाखा कार्यालयास पुरस्कार देण्यात येवून तेथील अधिकाऱ्यांचे सी आर आऊटस्टॅडींग नोंदविण्यात येणार आहेत.

Source